Урам хугарч урагш гишгэх тэнхээгүй болсон үед 
Урсан одох цаг хугацаа үнэ цэнээ алдаж эхлэдэг 
Урдаа тавьсан зорилгоо умартах хором бүрт 
Уудам хорвоо давчуу санагдаж амьсгал давхцдаг
Чимээ аниргүй сэтгэл эзэмдэн ганцаардал бүрхэх үед
Чихэнд чимэгтэй үгс эрэн хорвоог бэдэрдэг 
Орь ганцаар орчлонг туулахгүйг мэдрэх үед 
Омоглон зан хатсан навч мэт газар хөглөрнө 
Огт ор үгүй хорвоод би юуны төлөө 
Оршин тогтнож буйгаа үл мэднэ 
Одод зүүрмэглэх гэгээн анирт 
Огшиж би тэмүүлж амьдарна