Ээжээ таны тарьсан цэцэг сайхан ургасан шүү
Зэрлэг ургамал арчилгаа бага шаарддаг гээд
Зэлүүд талд намайг орхиод одсон юм уу
Зөрөг замд таарах байлгүй дээ гэж бодоод
Зөвхөн намайг хаяад явчихсан юм уу
Хүү нь уул давж ус гатлаж таныгаа санан зүүдэлсэн
Хүү нь ухаан нэхэж урам эрж таныгаа зүүдэлсэн
Хүү нь улам сайхан сарнай болон дэлбээлсэн
Хүү нь ухаант Монголыхоо иргэн болон мэндэлсэн
Надаас илүүг нартаас та хайсан юм уу
Намайг л гэж насаараа та хүсээгүй юм уу
Намхан биенд минь таныг энрэх хүчгүй гэж бодоо юу
Нарт хорвоод нүгэлгүй жаргана гэж санаа юу
/Миний ээж хамгийн сайхан хүн. Гэхдээ энэ хорвоод хатуу тавьлан туулж эжийгээсээ салсан хүүхдүүд хичнээн их байдаг бол гэж бодоод л тэд ингэж хэлэхийг хүссэн байхдаа гэж бодоод бичсэн. Хайртай ээж минь буруугаар ойлгох вий дээ /
No comments:
Post a Comment